کاروبار و تجارت کو شریعت کے سانچے میں ڈھالیں

کسی بھی کاروبار یا تجارت کو اسلامی سانچے میں ڈھالنے 

(Shariah Compliance) 

کے لیے درج ذیل باتوں کا خیال رکھنا ضروری ہے:

❶

 کاروبار و تجارت میں سرمایہ کاری کا پیسہ 100 فیصد حلال ہو۔ سودی قرضے ، بہن بھائیوں کی میراث کا دبایا ہوا مال، اسی طرح ہر قسم کا حرام مال کار و بار و تجارت میں لگانا درست نہیں۔

❷

 کاروبار و تجارت کی نوعیت حلال ہو۔ شراب و نشہ آور اشیاء، سودی لین دین، دھوکہ دہی، فحاشی وعریانی ،موسیقی اور ناچ گانے وغیرہ پر مبنی کار و بار و تجارت درست نہیں۔

❸

 پارٹنر شپ کی صورت میں شراکت داری یا مضاربت کے اسلامی اصولوں کا خیال رکھا جائے۔

❹

 کاروبار سے متعلق حکومتی قوانین کی پابندی کی جائے۔

❺ 

بینکوں و دیگر مالیاتی اداروں کے ساتھ معاملات شریعت کے مطابق ہوں۔

❻ 

کمپنی کے اپنے ملازم کے ساتھ ، اسی طرح خریدار اور فروخت کنندہ کے ساتھ معاملات شریعت کے مطابق ہوں۔

 ❼ 

تشہیر کے صرف جائز ذرائع استعمال کیے جائیں۔ جاندار کی تصویر ، عورت کی نمائش، رشوت ودیگر ناجائز ذرائع اختیار کر نادرست نہیں۔

❽ 

پر دہ کا خاص خیال رکھا جائے ، بے پردگی اور نامحرم مرد و عورت کا بے محابہ ملنا جلنا اور مخلوط ماحول درست نہیں۔

❾ 

کاروبار و تجارت کی زکوۃ حساب لگا کر پوری پوری اداء کی جائے۔ 

❿

 بوقت ضرورت کار و بار و تجارت سے متعلق شرعی احکامات کسی مستند مفتی یادار الافتاء سے معلوم کیے جائیں۔